Хотын шуурхай яг одоо хуралдаж байна. Хурал дээр Зайсанд байрлалтай KFC-ийн талаар НМХГ-аас өчигдөр гарсан шинжилгээний хариуг танилцуулжээ.
Шинжилгээний хариугаар уснаас нь өвчин үүсгэгч бактери илэрсэн /Гүний худгаас усаа авчээ/ мөн хоёр ажилтан нь цусан суулга өвчний халдвартай мөртлөө эрүүл ахуйн бичгийг хуурамчаар хийж бичүүлсэн байсан тул эрүүгийн хэрэг үүсгэн шалгаж эхэлсэн байна.
Мөн бүтээгдэхүүний дээж, материалууд нь өвчин үүсгэгч бактеритай байжээ. Одоогоор 40-д хүн эмнэлэгт байгаа. Өнөөдрөөс бүтээгдэхүүний дээж нь шаардлага хангаагүй тул бүх салбарууд нь хаахаар болсон байна.
Сар шинийн дараахан зайсанд байрлалтай KFC-ийн бүтээгдэхүүнээс үйлчлүүлэгчид олноор хордсон тухай мэдээлэл тархаж, хордсон иргэд ХӨСҮТ-д одоог хүртэл эмчлүүлж байгаа. Үүний дагуу НМХГ-аас шалгалт шинжилгээ явуулж холбогдох мэдээллийг хотын шуурхай дээр танилцуулж байна.
